Inauguramos a Radio na Biblio!!!

Hoxe tivemos a sorte de que nos acompañara Denís Losada, quen forma parte de RedeEspora, colectivo en prol do traballo coa radio nas escolas.

Grazas a el, a rapazada de 3º a 6º de Primaria gozou cunha sesión formativa - nun primeiro momento algo teórica pero tamén divertida - xa que nos inicios é moi necesario afondar sobre cuestións técnicas sobre o funcionamento e a finalidade da radio na escola.

- Preme nesta imaxe para ver máis fotos -

Pero unha vez explicadas estas cuestións técnicas, tocaba "aprender facendo". Así que innauguramos o equipamento de radio grabando os nosos primeiros podcast. Hoxe foron os de 4º, 5º e 6º de Primaria. E serán os maiores os que ensinen aos de 3º a facer as súas propias grabacións. Así que habería que aplicarse para aprendelo todo ben. Menuda responsabilidade!!!

Por aquí deixámosvos algunhas fotos para que os vexades en acción, e nuns días xa colgaremos os podcasts.